ప్రజలను అనారోగ్యాల బారిన పడేసే డెంగ్యూపై సమరశంఖం పూరిద్దామని మహబూబ్‌నగర్  జిల్లా స్పెషల్ కలెక్టర్  తేజాస్ నందులాల్ పరివార్ పిలుపునిచ్చారు .గురువారం మహబూబ్‌నగర్  జిల్లా కేంద్రంలోని 6వ వార్డు పరిధిలోని శ్రీనివాసకాలనీ, ఉర గుట్ట ,పోచమ్మ గుడి ప్రాంతాలలో ఆయన మున్సిపల్ కమిషనర్ వడ్డె సురేందర్ మరియు వార్డు కౌన్సిలర్  పటేల్ ప్రవీణ్ కుమార్ తొ కలిసి పర్యటించారు .ఈ సందర్భంగా ఆయన మాట్లాడుతు ప్రజలు తమ ఇంటి పరిసరాలను శుభ్రంగా ఉంచుకోవాలని , మురుగు నీటిని తమ పరిసరాలలొ లేకుండా చూసుకోవాలని సూచించారు.ఎట్టి పరిస్థితుల్లోనూ నీటిని నిల్వ ఉంచుకోరాదని అన్నారు .